沪语悦读:乡音

2021-01-19 20:17 来源:澎湃新闻·澎湃号·湃客

字号
上海老底子每天呈送精彩文章一组
打开尘封的记忆,寻觅往昔的岁月
叙上海老底子事 忆上海老底子人
诉上海老底子情乡 音
作者:袁念琪
资料来源:《上海电视》1985年第八期
沪语改编、朗读:马家驹
词语注释:杨张悦、张林龙
收听音频,时长11分30秒。“上海人民广播电台,贫下中同志们,社员同志们”,迭(dhik〈代〉这)是一句上海人邪气(xhiaqi〈副〉很,非常)熟悉个声音,侬一定勿会忘记脱迭一位叫阿富根个沪语播音员,伊个真名叫万仰祖。上海人民广播电台《阿富根谈生产》迭档节目是同伊个声音同日而生个,就辣辣1984年,阿富根出现辣辣荧屏浪向了。△第一代“阿富根”,播音员万仰祖△第一代“小妹”,播音员钱英菲
勿少有眼岁数个上海人侪(she〈副〉全,都)邪气熟悉伊个声音个,尤其是辣辣上海郊县,记得有一抢(yikqian一段时间),万仰祖到松江联系工作:“同志,我是……”还呒没讲好,接待个小伙子马上就立起来,脱口就讲“侬是阿富根”,接待个同志开心得勿得了,勿仅庆幸自家个耳朵尖(听觉灵敏),更加重要个是,听“阿富根”谈了介许多('gaxudu这么多)年数个生产、家常,今朝再算有缘亲眼看到。一个人普普通通个本色,能够拨大家所熟悉,喜爱,敬重,迭个(dhikghek〈代〉这个)是老老……(lao lao ……很,非常)幸福个一桩事体。迭位松江同志个眼福是浅的,伊勿晓得(xiaodak〈动〉知道),“阿富根”早就辣辣电视里露面了,外加(ngaga〈副〉而且,还,此外,再加上,另外还有)勿罢(fhekbha①〈副〉不止。②〈动〉不罢休)一趟。第一趟(yiktang一次)上荧屏,是八四年春节上海评弹团团拜。“阿富根”是客串,原来是伊搭评弹早有缘分,老上海侪晓得,解放前电台个大百万金空中书场节目是有眼名气个,埃个辰光('eghekshenguang那个时候)就是老万主持个,每日天从六点到十一点,要播五档书。1984年“阿富根”到了电视台,伊出现辣辣《上海农村》搿档节目里。常庄(shanzang〈副〉常常)听“阿富根”谈个是农民朋友,勿仅听到个是伊个声音,外加看到了伊个本人。△阿富根的漫画形象
从1985年个1月19号,上海人民广播电台《生活之友》有了伊,搿趟(这次)是对农村、对市区,谈个是《副食品行情》,“话个母鸡个市场行情……”△《阿富根》主持人顾超和朱慧下乡△李征△朱慧△朱慧(左) 冷海英(右),顾超夫人△两位沪语主持人:南飞(左) 李征(右)
从伊个辰光('yighekshenguang那时,那个时候)开始,一到礼拜六个夜里向,电视机里就会传出“阿富根”个声音,告诉侬上海市区主要农副产品个成交价,近抢把(jinqianbo近段时间里,最近一段时间里)个副食品动态,为侬个菜篮子做顾问。△《谈天说地阿富根》主持人叶进△《谈天说地阿富根》主持人肖玲
上海言话(“言话”俗写作“闲话”。与“炎”旧时同音,今郊区“炎”仍与“闲”同音)是勿大好讲个,我伲(nguni〈代〉我们。简作“伲”)平常讲个并勿是正宗(zenzong〈形〉正统;真货,不是冒牌的)个上海言话。《生活之友》个老编辑李耀明是曾经搭着其中个滋味('zymi味道)个。有一日天,到了《副食品行情》个配音辰光。老万还呒没来,等了快一个钟头了。李耀明急公好义,走进了配音间。伊个普通话讲得还是蛮好个。电子编辑机个二声道有声音了。配音间内外也有笑声了。李耀明开始讲:“鸡蛋。乌(五)原路,一块乌(五)”。伊只晓得“五”要读作“乌”;但勿晓得“一块五”要讲“一块半”个。辣辣一旁个女播音员火线授教:宁海西路个“西”,要发尖音。还好老万还是赶到了。△三代阿富根节目主持人
万仰祖先生个沪语播音史已经有四十年了,到今朝,是“乡音未改鬓毛衰”。迭一年伊六十六岁,从十二、三岁开始接触播音。伊兄弟姊妹(zyme①〈名〉姐妹。②〈名〉妹妹)五人,排行老四,伊爷是个小学老师。老底仔个日脚是蛮清苦个。小学毕业后伊就走上了谋生个道路。△节目组2011年合影
伊先来到了阿哥上班个霓虹灯厂,做打样员,后首来(hhousoule〈名〉后来)又到无线电公司做过练习生,有一趟,到福星电台去白相(bhekxian〈动〉玩儿。又写作“孛相”),迭个一去,伊倒成了迭爿私营电台个兼职报告员,成就了伊半世人生个沪语播音员个起点。
抗战爆发,东洋人进租界,工厂打烊(danyhan〈动〉上门板儿。指停止营业)了。战争、防控、红红绿绿、亮亮闪闪个霓虹灯辣辣夜空当中逐渐少了。万仰祖辣辣红都电影院播起了银幕广告,后首来成了华明烟厂个专职播音员,电波里向还传出伊个募捐,为流动诊病车、为普善山庄,做个慈善广告。
1949年5月,上海解放了,万仰祖个沪语播音辣辣上海已经是小有名气了,上海人民电台要吸收伊去做播音员,老万兴奋了一夜。当时辰光('dangshyshenguang当年,当时,那时候)是1951年,老万到了电台,辣辣领导个关心支持下头,伊搭编辑同志齐心协力,使“阿富根”迭个听党言话个形象走进了市郊个千家万户。铲穷根、找富根,是埃歇横里('exikwhanli当年,当时,那时候)大家一直个期望搭追求。十年动乱当中个“阿富根”;“阿富根”个编辑;“阿富根”个领导;三个人辣辣一只台浪向拨批斗。讲“阿富根”个成分是富农。“四个面向”,伊到了梅山九四二四工地,一去就是七年。一个辣辣旧上海闻香烟味道头要浑个人也吃起了烟。
现在老万虽已年过花甲,配音还是邪气认真,戴上老花镜,拿起彩色笔。觉着录了勿满意个地方,会连连讲:“抱歉(沪语读:牵、谦、遣、谴、欠),抱歉,再来一遍”。伊还是伊个想法:认认真真地做眼事体。
搿天,老万又讲起上海言话。伊讲“上海言话”对上海人来讲,亲切、生动。地方语言还应发挥伊个作用。据讲外国驻(沪语读:朱、侏、诛株、珠、诸、猪、主、拄、疰、著、蛀、)华个外交人员现在辣辣学三种言话,普通话、上海话搭广东话,讲是学会迭个三种话,就能走遍大半个中国。哦,对了,老万还讲起:真正个上海言话,恐怕要算徐家汇一带个本地人顶顶(dindin〈副〉最最)道地(dhaodhi〈形〉地道)了。当然迭个上海言话里向假使再夹眼浦东音就更加好听了。
上海言话是我伲个乡音,千只金鸟鸣银山,怎比乡音一字亲!万把丝竹歌一曲,怎比乡音语半句!是有搿能一首,乡音个赞美诗。
朗读者简介
作者简介:
袁念琪:1978年从农场考入大学,获法学士学位。1983年考入上海电视台,高级编辑(专业技术二级),上海长江韬奋奖获得者。上海市作家协会会员。获全国报纸副刊作品年赛一等奖等,入选王蒙主编《中国最佳散文》和《中国新闻年鉴》。著有《上海品牌生活》、《上海门槛》、《上海姻缘》、《上海B面》和《零食当饭吃》等。△袁念琪老师
朗读者简介
朗读者简介:
马家驹,1949年2月出生;1968年9月赴上海星火农场工作,回城后在银行、私企任职;2015年9月,参加社区成人学校的书法班、沪剧班学习,喜爱沪语诵读。△马家驹老师
特别顾问简介:
张林龙,男,本乡本土本地人。现为【学上海话】微信公众号特别顾问,上海政法学院教授,九三学社社员。
其长期从事教学和科研工作,业余时间把主要精力集中在沪语文化的保护和传承工作上,坚持传承上海地域文化,保护本土传统语言。
他经常亲自拿文章改编成沪语,并对文章中的字作解释,方便新上海人学习。由他改编的文章或指导改编的文章,请播音员朗读后,多次被上海发布、徐汇发布、闵行老干部、闵行报社、侬好上海等官方公众号、上海人民广播电台采用。△张林龙老师(左)钱程老师(右)
图片来自网络 版权归原作者所有
责任编辑|杨张悦
来源:“学上海话”公众号
原标题:《【沪语悦读】乡音(作者:袁念琪 沪语改编、朗读:马家驹 词语注释:杨张悦、张林龙)》
阅读原文
关键词 >> 湃客
特别声明
本文为澎湃号作者或机构在澎湃新闻上传并发布,仅代表该作者或机构观点,不代表澎湃新闻的观点或立场,澎湃新闻仅提供信息发布平台。申请澎湃号请用电脑访问http://renzheng.thepaper.cn。

相关推荐

评论()

热新闻

澎湃新闻APP下载

客户端下载

热话题

关于澎湃 在澎湃工作 联系我们 广告及合作 版权声明 隐私政策 友情链接 澎湃新闻举报受理和处置办法 严正声明